БОГОЯВЛЄНСКЕ ПОШВЕЦАНЄ ОБИСЦОХ ЗОЗ СЕМЕЙСТВАМИ
того року як то и звичай почало на памятни дзень Собору св. пророка, предтечи и Крестителя Йоанна, 20. януара 2016. року. Фотоґрафия з лївого боку представя овиковиченє єдного такого пошвецаня на Свиленим шоре ґу Kотю, у фамелиї Раґайових, Йовґена и Натали зоз унучку Єлену.
Сам модляци обряд пошвецаня випатра на шлїдуюци способ: Священїк облєчени у подряснїку и зоз епитрахильом, а у руки благословяци крест и кропидло уходзи до обисца и здравка зоз християнским поздравом: Слава Исусу Христу!, а домашнї одздравкую: На вики слава!
Звичайно у преднєй хижи на столє стої танєр зоз пошвецену богоявлєнску воду. Паноцец станє обрацени ґу Образом кед их єст вишацих на мурох, лєбо на восток, лєбо у напряме парохиялней церкви и шпива перши возглас: "Благословени Бог наш, навше, тераз и вше и на вики викох". Домашнї одвитую: Аминь!, а потим священїк шпива тропар Богоявлєня:
"Кед ше Ти, Господи кресцел у Йорданє, обявело ше Тройцово кланянє: бо родительов глас шведочел за Тебе, наволуюци Це любеним Сином; а Дух у подоби голуба, потвердзовал правдивосц Слова. Христе Боже, котри ши ше явел и прошвицел швет, слава Тебе".
и кед дошол до конца мочи кропидло до швеценей води и крестообразно кропи шицки мури на шицки штири боки швета, а на концу и шицких присутних домашнїх по старосним животним возросту, з тим же ше першенство дава мужескому полу, як ношительом семейственей заєднїци. При кропеню обисца и їх членох єрей виповеда слова: "Благослови ше и пошвецує дом тот, и шицки у нїм жиюци, у мено, Отца, и Сина, и Святого Духа. Аминь".
Чтобы отредактировать, кликните здесь > Редактировать.
НОВИ ЧЛЕНИ ЦЕРКОВНОГО ОБЩЕСТВА
того року як то и звичай почало на памятни дзень Собору св. пророка, предтечи и Крестителя Йоанна, 20. януара 2016. року. Фотоґрафия з лївого боку представя овиковиченє єдного такого пошвецаня на Свиленим шоре ґу котю, у фамелиї Раґайових, Йовґена и Натали зоз унучку Єлену.
Сам модляци обряд пошвецаня випатра на шлїдуюци способ: Священїк облєчени у подряснїку и зоз епитрахильом, а у руки благословяци крест и кропидло уходзи до обисца и здравка зоз християнским поздравом: Слава Исусу Христу!, а домашнї одздравкую: На вики слава!
Звичайно у преднєй хижи на столє стої танєр зоз пошвецену богоявлєнску воду. Паноцец станє обрацени ґу Образом кед их єст вишацих на мурох, лєбо на восток, лєбо у напряме парохиялней церкви и шпива перши возглас: "Благословени Бог наш, навше, тераз и вше и на вики викох". Домашнї одвитую: Аминь!, а потим священїк шпива тропар Богоявлєня:
"Кед ше Ти, Господи кресцел у Йорданє, обявело ше Тройцово кланянє: бо родительов глас шведочел за Тебе, наволуюци Це любеним Сином; а Дух у подоби голуба, потвердзовал правдивосц Слова. Христе Боже, котри ши ше явел и прошвицел швет, слава Тебе".
и кед дошол до конца мочи кропидло до швеценей води и крестообразно кропи шицки мури на шицки штири боки швета, а на концу и шицких присутних домашнїх по старосним животним возросту, з тим же ше першенство дава мужескому полу, як ношительом семейственей заєднїци. При кропеню обисца и їх членох єрей виповеда слова: "Благослови ше и пошвецує дом тот, и шицки у нїм жиюци, у мено, Отца, и Сина, и Святого Духа. Аминь".
Чтобы отредактировать, кликните здесь > Редактировать.
КАНДИДАТИ ЗА ПЕРШОПРИЧАШНЇКОХ У ШКОЛСКИМ РОКУ 2015/16
У тим чечуцим школским року 2015/16 пририхтуюцих ше за Першу св. Тайну Причасци єст дзешец другокласних школярох. Три дзивчата и седемцме хлапци. За тоту значну подїю у їх живоце будзе их у рамикох основношколскей виронаучней настави пририхтовац вироучитель, дипломовани теолоґ Данил Задрепко, но, розуми ше, поволую ше и їх родичи, же би зоз шицкима своїма родительскима воспитнима мирами допринєсли їх цо обсяжнєйшей и темельнєйше пририхтаносци. Насампредз ше родителє поволую, же би свойо кандидатни дзеци за Першу Святу Причасц каждонєдзельно посилали до Церкву на нєдзельну Литургию. Гутори ше, же найлєпше воспитанє то - ВЛАСНИ ПРИКЛАД.
Праве прето, духовни резултат- и хасенприношаце може буц лєм шлїдуюце: Совокупни заєднїцки фамелийни приход шицких членох єдного семейства на нєдзельну воскресну Службу Божу. У тим смислу витайце у нашим заєднїцким парохиялним Св. храме, на першим наиходзацим нєдзельним ЄВХАРИСТИЙНИМ СОБРАНЮ - БОГОСЛУЖАЦИМ ПРЕСЛАВЙОВАНЮ ГОСПОДА.
ДАТУМ
ОТРИМОВАНЯ
ПЕРШЕЙ
ПРИЧАСЦИ:
Остатня нєдзеля у
мешацу юнию,
НЄДЗЕЛЯ
ШИЦКИХ
СВЯТИХ
26. юний 2016
ЦО ПЕРШОПРИЧАШНЇКИ МУША ЗНАЦ, ЖЕ БИ МОГЛИ ПРИСТУПИЦ ҐУ ПЕРШЕЙ ПРИЧАСЦИ?
Минимум шицких минимумох то знанє напамят вигуториц два основни християнски молитви: Молитву Господну - ОТЧЕ НАШ и БОГОРОДИЦЕ ДЇВО, як и молитву пред- и по споведзи, хтори ту нїжей на шлєбодне хаснованє и ученє шицким заинтересованим приложени:
О
тче наш, котри ши на нєбе, най ше швеци мено Твойо, най придзе Царство Твойо, най будзе воля Твоя, як на нєбе, так и на жеми. Хлєб наш насущни дай нам нєшка,
и одпущ нам длуства нашо, як цо и ми одпущуєме длужнїком нашим.
И нє уведз нас до спокуси, алє нас вибав од злого.
Богородицо Дїво, радуй ше, Благодатна, Господь зоз Тобу. Благословена Ти медзи женами и плод утроби твоєй, бо ши народзела Христа Спасителя, душох наших.
МОЛИТВА ПРЕД СПОВЕДЗУ:
Я гришни споведам ше Господу Богу Вседержительови, у Тройци Святей Єдини, Пречистей Дїви, Мацери Божей, шицким святим, и вам отче мой духовни о шицких своїх грихох.
МОЛИТВА НА КОНЦУ СПОВЕДЗИ:
За тоти шицки знани и нєзнани свойо грихи, жалуєм сердечнє, же сом доброжичлївого Бога увредзел, и оддрилєл од себе. Каєм ше жалошнє, и обецуєм, же з помоцу Божу живот свой полєпшам. На тото змирено модлїм, отче мой духовни, модляцу покуту и од Бога розришенє.
ХОР "РОЗАНОВ" УЧАШНЇК МЕДЗИНАРОДНОГО МУЗИЧНО-ХОРСКОГО ПРОЄКТУ ВИВОДЗЕНЯ НАЙВЕКШОГО ХОРСКОГО ВИТВОРЕНЯ РУССИЇ - ВСЕНОЧНОГО БДЇНИЯ СЕРҐЕЯ В. РАХМАНЇНОВА
Наш церковни хор "РОЗАНОВ" уключени до єдного обсяжного екуменского медзинародного музичного проєкту виводзеня "Найвекшого хорского дїла Русиї" - Саночного Серґея В. Рахманїнова оп. 37. у Нємецкей, а пририхтованя хвильково у полним цеку. Орґанизатор и ношитель проєкту приятель нашого хору и парохиї, дириґент Винфрид Бентеле зоз Лудвиґсбурґу, а попри нашого хору у проєкту учествує церковни хор при римо-католїцкей парохиялней церкви св. Павла у Лудвиґсбурґу и велькорусски православни хор "ДАНИИЛ" зоз Москви. Солистични часци спомнутого Саночна буду виполньовац визначни солисти зоз Русиї.
Премиєрни виводзеня буду отимани:
16. априла 2016. у церкви "Доброго Пастира" у Битиґхайм-Биссинґену и
17. априла 2016. у церкви "Св. Томаса Моруса" у Лудвиґсбурґ-Еґлосхайм.
Поволуєме шицких наших там у Нємецкей жиюцих, же би попровадзели тото насправди єдинствене музичне собитиє.
Чтобы отредактировать, кликните здесь > Редактировать.
ШВЕТКОВАНЄ ШВЕТА НАД ШВЕТАМИ -
ПАСХИ ХРИСТОВЕЙ (1. май 2016.)
З найвекшим християнским шветом ПАСХИ ХРИСТОВЕЙ, хторе у народзе познатше зоз свою узвичаєну народну назву - Велька Ноц, и того 2016. Лїта Господнього, дня першого, у мешацу маю, торжествено-модляцо ославена зоз ПАСХАЛНУ БОЖЕСТВЕННУ ЛИТУРГИЮ, подїя Исусового ВОСКРЕСНУЦА, подїя Христовей побиди живота над шмерцу, подїя умертвеня сили умераня и сили гроба.
Пасхалну Литургию зоз початкон на 9 годзин предполадньом началствовал Протоєрей ставрофор Йоаким М. Холошняй - дюрдьовски парох и декан бачки, а сослужели Протоєрей ставрофор Ференц Євицки зоз Тисауйварош зоз Мадярскей, и протоєрей ставрофор, др Борис Холошняй зоз Бечу, котри после пречитаней Євангелиї на церковнославянским, греческим и руским язикох, отримал пригодну казань у векшим чишлє собраним веряцим.
Литургийни шпиви провадзел парохиялни хор "РОЗАНОВ" зоз хороводительством дзиячки Татиани Барна. Апостол читала шпивачка хору "РОЗАНОВ" - Антония Барна.
На законченю Служби Божей у церковней порти було одправене пошвеценє паскох. Млади крижаре були: Борис и Иґор Раґайово, Мирон и Алексей Кухар, як и Катарина Гарди, Оливера Пап, Лидия Вереш и Наташа Хромиш.
ЮТРЕ РАДОСНА СВАДЗЕБНА ПОДЇЯ
МЛОДНЯТА: Борис Саламун и Сандра Баран на идуцу соботу, 28. мая 2016., ступя до Святей Тайни Супружества. Обряд церковного винчаня одправи ше у Церкви Рождества Пресвятей Богородици у Дюрдьове, з початком на 15,45 г. пополадню.
Борис Саламун, син Янка Саламуна и Меланки Саламун р. Киш, родзени 22. юния 1985. р. у Новим Садзе, грекокафтолїческого вировизнаваня и парохиян Дюрдьовского церковного общества.
Сандра Баран, дзивка Владимира Барана и Славици Баран, р. Дорокази, родзена 5. авґуста 1985. р. у Новим Садзе, грекокафтолїческого вировизнаваня и парохиянка Дюрдьовского церковного общества.
"Благоденственоє и мирноє житиє, здравиє же и спасениє, и во всем благоє поспишениє, подаждь, Господи, рабом твоїм Борису и Сандри, и сохранї их на многая лїта"!
"Добри, длуговични и мирни живот, здравє и спашенє, и у шицким добри успих, подай, Господи, слугом Твоїм Борисови и Сандри, и охрань их на велї лїта"!
НАЧАЛО ПОЗЛАЦОВАНЯ ДИЯКОНСКИХ ДЗВЕРКОХ
Прешлого тижня стартовани процес полиментного позлацованя дияконских сиверних дзверкох иконосу нашей парохиялней церкви.
Пре здогаднуце: Дзверка з лїпових дескох вирезал древодлобач Сима Будиша зоз Тителю, а їх приготовку за позлацованє, хтора подрозумює вецейкратне премасцованє подлоги зоз клийом и билїдлом, як и вичухованє зоз драпацим папером окончели млади сотруднїки нашого художественого мигелю: Катарина Барна, Ваня Стрибер и Мирон Барна.
Предстої премасцованє зоз полиментну препаратуру, позлата и виглаткованє зоз зубками, а на концу и писанє образу св. архидиякона Стефана, хторе би мал одробиц руководзаци "Христожнїка" - капелан о. Михаил Холошняй.
ПЕРШA ПРИЧАСЦ 2016
KИРБАЙ 2016
Мой канал
Мой канал
Посмертни лїсток
ХОВАНЄ Дюрдьовского пароха, о. Йоакима М. ХОЛОШНЯЯ
ОДПРАВЯНЄ БОГОСЛУЖЕНЬОХ У ВИРОНАУЧНЕЙ САЛИ
Пре причину обсяжних роботох у парохиялней церкви на вименьованю старих патосових цегелкох, укладаня подпатосового огриваня на струю и виробок нового каменьового патосу, богослуженя ше у цеку мешацох: мая, юния и юлия буду одправяц у виронаучней сали. У горнїм прилогу: Литургия св. Йоанна Златоустого на швето Сошествия Святого Духа (Русадля), хтору начальствовал священїк зоз Бечу, протоєрей ставрофор о. др Борис Холошняй.
СЛУЖЕНЄ СВ. СЛУЖБИ БОЖЕЙ (На всякоє прошениє) НАД ГРОБОМ СВ. ОТЦА НИКОЛАЯ
Дочасови управитель Дюрдьовскей парохиї, о. Михаил Холошняй, находзаци ше на рочним одпочивку у Италиї, 09. юлия 2017. року, у крипти Базилики св. отца Николая, архиепископа Мир-Ликийского, чудотворца, служел Божественну Литургию св. Йоанна Златоустого, на всякоє прошениє всих виручших, а у тим чишлє и за шицких вирнїкох Дюрдьовскей парохиї. Службу Божу у дзияцкей служби провадзела панїматка и вироучителька Наташа Холошняй, а и одредзене число вирнїкох, преважно православних зоз Русиї, Ґрузиї, Болгарскей и Украини. То була и причина же ше на Служби попри Вселенского Архиєрея, папу Римского Франциска, модлєло и за Патриярха Московского и всея Руси Кирилла. Дзепоєдни веряци православного вировизнаваня з вельку побожносцу и богобойносцу приступели и до прияца Св. Тайни Причасци, а после Служби Божей, зоз вельку благодарносцу дзековали служительови за можлївосц в нєдзельни-воскресни дзень вжац учасц у Служби Божей у своїм власним византийно-славянским обрядзе.
На першим почесним месце у фондзе старопечатних церковнославянских кнїжкох у "Рускей Одлоги", без сумнїву, стої "Нови Завит зоз Псалтиром" зоз 1583. року, и то друкарске витворенє велькоруского, московского першопечатнїка Ивана Фйодорова, зоз периоду його пребуваня и твореня у Южней Руси у Остроґу. Кнїжка, як у нєй єднозначно зазначене, була власнїцтво жителя дюрдьовского, а по походзеню Керестурца, Янка Мудрого. По родзинскей линиї вона прешла до приватней библиотеки Мудрового праунука, познєйше владики Крижевского, тераз уж покойного кир Славомира Микловша, а записовач тих виреченьох - чукунунук першобутного власнїка Янка Мудрого, пренашол ю у цеку прескладованя библиотеки пре билєня владикового родного обисца, 2009. року. З поштреднїцтвом "Матици Сербскей" дошло ше до потвердзеня першобутней особней предпоставки о ванрядносци пренаходку, и друкарским авторству преславеного Ивана Фйодорова.
Того 2017. р. на кнїжки поробене позарядово значне реставраторске подняце, хторе тирвало цали єден рок. Отже, конзерваторско-реставрацийни отдїл "Народней Библиотеки Сербиї" у Беоґрадзе закончел цалосну защитно-оправкову роботу на кнїжки и вона тераз випатра як на горнє приложених двох фотоґрафийох.
Ношитель проєкту реставрациї "Нового Завиту зоз Псалтиром" Церковне общество при Св. Храме св. архистратига Михаила - Ґосподїнци, зоз материялно-пенєжну помоцу Уряду за сотруднїцство зоз Церквами и вирскима заєднїцами при Министерству Правди Р. Сербиї - Беоґрад.
о. Михаил Холошняй - Матїйов
НОВОПОШВЕЦЕНИ ПРЕСВИТЕР АПОСТОЛСКОГО ЕКСАРХАТУ ЗА ГРЕКОКАФТОЛЇКОХ У РС -
Данил ЗАДРЕПКО
На швето Рождества Пресвятей Богородици (Мала Матка Божа), 21. септембра 2017. р., односно на 125. по шоре од снованя Дюрдьовскей парохиї (1892. р.) Дюрдьовски кирбай, на святочней Архиєрейскей Литургиї, хтору началствовал Апостолски ексарх, кир Георгий (ДЖУДЖАР), и у сослуженю тринацох священїкох Св. Тайну священїческого рукоположеня приял диякон Данил ЗАДРЕПКО.
Неоєрей Данил - син Дюрдьовскей парохиї, народзени 25. януара 1985. р., а кресцени 10. марца истого року од Кресней мацери - куми Марї Скубан зоз Вербасу, у парохиялней церкви у Дюрдьове.
Син є Юлина Задрепки, котри пред 15. роками, примаци обовязку буц у пейцрочним мандату церковни одборнїк, тоту длужносц одвичательно, пошвецено и до конца одправял. Покойна мац му була Смиляна Задрепко р. Максимович, по кресценю православного вировизнаваня, алє запаметана, медзи иншим, и по тим же безпрекорно и чечно бешедовала по руски, и у таким духу воспитала як Данила, так и другого младшого сина, хвилькового богослова Духовней Ужгородскей академиї Федора РОМЖИ.
о. Даниїл богословию почал студирац у Риме (Италия), а закончел ю зоз дипломованьом на тезоименїтей духовней високей школи Блаженого Федора Ромжи - еп. Ужгородского у Ужгородзе.
о. Даниїл повинчани зоз Олю Задрепко, р. Раґаї, и перше намесценє на священїческу службу достал у Ґосподїнцох, зоз официйним насловом - Капелан Ґосподїнскей парохиї.
НА МНОГАЯ И БЛАГАЯ ЇМ ЛЇТА!
НОВОПРЕСТАВЕНИ ПРЕД ГОСПОДОМ ДЛУГОРОЧНИ НОВОСАДСКИ ПАРОХ, Протоиєрей ставрофор, о. РОМАН МИЗ
Лєм кус вецей як мешац хибело, же би ше, на Швето св. отца Николая (по юлиянским стилє), наполнєло 59 роки иєрейского служеня длугорочного новосадского пароха, о. Романа Миза.
Вчера, 13. новембра 2017. р. у 85.-тим року жемского "странствованя" зацихло дурканє шерца пошвеценого душпастира - священїка, а тиж и визначного публицисти и всестраного културного роботнїка у рускей заєднїци бачванско-сримских грекокатолїцких Руснацох, отца Романа Миза.
На правим боку приложена фотоґрафия богословских парнякох зоз студентских заґребских часох: длугорочного дюрдьовского пароха Йоакима М. Холошняя, хтори пред седем мешацами, тиж того одходзацого 2017. року, оддишол з того швета до Божей вичносци (на фотоґрафиї з лївого боку), и вельолїтного паноца пароха новосадского Романа Миза /на образним овиковиченю їх вирней дружби и парняцства зоз шпациру по идиличних єшеньских и з одпаднутим лїсцом покритих улїчкох на Горнїм городзе у Заґребе, з правого боку/.
ЦАРСТВО ЇМ ОД ГОСПОДА НЄБЕСНЕ А У ЛЮДЗОХ ВИЧНАЯ ПАМЯТ.
СВЯТЕ ТАИНСТВО КРЕСЦЕНЯ СЛУГИ БОЖОГО АЛЕКСИЯ КИШОВОГО
На тогорочне найекше нашо швето, "Швето над Шветами", односно на ПАСХУ ХРИСТОВУ, у Пасхалней Литургиї були покресцени пейц особи розличного, предшколского возросту. На приложених з лївого боку фотографийох зазначене остатнє, у нашим дюрдьовским Маломатковским Святим Храме - седме кресценє нєдавно на тот швет приходзацого малючкого Алексия Кишового, од мацери Весни Киш, родзеней Балїнт и оца Мирка Киша.
Крестни родичи - кумово були Дамир Кочиш и Тамара Рамач.
"БЛАГОДЕНСТВЕНОЄ И МИРНОЄ ЖИТИЄ, ЗДРАВИЄ ЖЕ И СПАСЕНИЄ, И ВО ВСИМ БЛАГОЄ ПОСПИШЕНИЄ, ПОДАЖДЬ ГОСПОДИ, РАБУ ТВОЄМУ НОВОПРОСВИЩЕНОМУ АЛЕКСИЮ, И СОХРАНЇ ЄГО НА МНОГАЯ ЛЇТА!
МНОГАЯ ЛЇТА,
МНОГАЯ ЛЇТА,
МНОГАЯ ЛЇТА,
БЛАГАЯ ЛЇТА!
БЛАГАЯ ЛЇТА!
БЛАГАЯ ЛЇТА!
ПЕРША ПРИЧАСЦ 2018. р.
Пре причину обсяжних роботох у парохиялней церкви на вименьованю старих патосових цегелкох, укладаня подпатосового огриваня на струю и виробок нового каменьового патосу, богослуженя ше у цеку мешацох: мая, юния и юлия буду одправяц у виронаучней сали. У горнїм прилогу: Литургия св. Йоанна Златоустого на швето Сошествия Святого Духа (Русадля), хтору начальствовал священїк зоз Бечу, протоєрей ставрофор о. др Борис Холошняй.
