ЦЕРКОВНИ ОДБОР
Руководзаце цело общества представя Церковни одбор, хтори творя осем од парохиянох вибрани члени, єднозначно мужеского полу, и совершенолїтного животного возросту. Прецо праве осем хлопи? Бо так предвидзую статути о Церковних одборох Апостолского ексархату за грекокатолїкох у Р. Сербиї. Отже, спомнути статути число одборнїкох у єдней парохий одредзую на основу численосци общества. Парохия понад тисяч членох ма право и обовязку спомедзи членох общества вибрац осем прикладних, вирски за Христа опредзелєних и по християнски препровадзацих свой особни, а и вкупни семействени живот.
Мандат каждого Церковного одбору тирва пейц роки, а у позарядових обставинох тот пейцрочни мандат може буц ище лєм раз повторени, а од владики одобрени и службено потвердзени.
ПРИШАГА ОДБОРНЇКОХ
Я (мено) пришагам, же як член Церковного одбору тей церкви, будзем вирно и совисно окончовац свою длужносц, же ше будзем старац за духовносц, як особну так и цалого церковного общества, а тиж так и за церковни маєток. Так ми Боже помож, у Пресвятей Тройци Єдини, и шицки Святи.
Аминь
.
Накеди виберанки одборнїкох окончени, їх мена ше зоз службеним писменим дописом з парохиялного уряду представяю владикови, же би их розпатрел и дал свой благослов за їх ступанє на длужносц. Преберанє длужносци ушлїдзує аж теди кед кажди одборнїк поєдинєчно приступел ґу Святей Тайни Споведзи, а на Служби Божей приял Святу Причасц и дал на Євангелиї пред шицкима собранима веряцима святочну пришагу. Текст пришаги шлїдуюци:
